Ако сте корисник на фиксна телефонска линија на Македонски Телеком и во исто време сте корисник на мобилен број од мрежата на Т-Mobile, оваа услуга ви овозможува да ја проверувате состојбата на фиксната телефонска сметка во текот на месецот со праќање на SMS порака од вашиот мобилен телефон на бројот 070 14 21 14.
Услугата може да ја користите во секое време без да поднесувате барање за вклучување на услугата. Услугата е овозможена на ниво на конто, т.е. ако сметката (фактурата) која ја добивате содржи повеќе телефонски броеви, добиените информации (сите три вида) ќе претставуваат збир од направениот сообраќај за сите телефонски броеви на тоа конто.
SMS пораката треба да содржи: клучен збор, фиксен телефонски број, конто број.
Примери на SMS пораки:
smetka 0038923127177 0001234555
faktura 0038923200881 0000591236
dolg 0038922512448 0005638902
1. Во пораката (со мали или со големи букви) внесувате еден од клучните зборови: smetka, faktura, dolg, со цел да го назначите видот на информација кој сакате да го добиете:
- Моменталната состојба на вашата сметка (нефактурирана), односно сметката за направените разговори од почетокот на месецот до денот кога сте побарале информација. Добиениот износ е само направен сообраќај во тој период, без пресметани попусти, без ДДВ и без месечните претплати за линијата, за дополнителните услуги и др.,
- Износот на последната фактурирана сметка,
- Вкупен фактуриран долг што го имате кон Македонски Телеком.
2. Потоа, се внесува фиксниот телефонски број за кој сакате да добиете информација, во форма: 003892xxxxxxx, но ќе бидат препознаени и сите други внесени комбинации: 3892xxxxxx, 2xxxxxxx, 02/xxxxxxx и сл. (примерот е за Скопје).
3. На крајот, се внесува бројот на конто од фиксната телефонска сметка кој се наоѓа во десниот агол на првата страна од сметката во форма: 000xxxxxxx (10 цифри), но ќе биде препознаен и ако се внесе без нули или со било колку нули пред бројот.