Содржина:
Марк Витакер (Мет Дејмон) брзо напредува во гигантот на земјоделската индустрија, "Арчер Даниелс Мидленд" (АДМ), когадознава за мултинационалниот заговор за местење на цените во кој е вмешана компанијата, па решава да ги предаде доказите на ФБИ. Убеден дека ќе го прогласат за херој на народот за својата постапка, Витакер се согласува да биде озвучен и да носи скриен касетофон за да собере докази кои се потребни за обвинението против алчните луѓе во АДМ. За жал, и случајот и интегритетот на Витакер се компромитирани кога агентите на ФБИ стануваат фрустрирани од постојаното менување на исказот на нивниот информатор, па откриваат дека тој баш и не е "светецот" кој се прикажува. Во неможност да ја одвојат реалноста од фантазијата на Витакер додека се борат да изградат случај против АДМ, ФБИ со ужас гледа како најголемото корпоративно разоткривање во американската историја се заканува да пропадне пред нивните очи. Скот Бакула, Џоел Мекхејл и Мелани Лински играат во другите улоги.